滿屋日本料理 (已結業)

嚟到铜锣湾 想食下日式餐厅，但因为我哋两个人都好饿嘅关系，所以就拣咗食日式放题。睇到呢间放题餐厅价钱唔算好贵，宜家仲有折！不得不说，呢间餐厅嘅三文鱼质素认真唔错，寿司嘅款式又多，难怪咁多人食。同行朋友本身都系热爱日本嘅「日本仔」都赞不绝口。而且仲有热清酒、清酒同梅酒任饮！而我就钟意食多啲唔同款式嘅嘢食，估唔到呢间餐厅一样都满足到我，又有烧物，又有炸物，仲要有酒饮tim!而且辣酒煮蚬，真系好够辣！烧物水准值得一赞，全部都热辣辣！惊你食完咁多种类嘅嘢食都唔够饱，佢仲送埋雪糕俾我地做饭后甜品，食完之后真系满足晒！