二鍋頭 (嘉芙中心)

营业中

休息中

天气突然转冷冻到咁，梗系要打一个边炉同同埋羊腩煲啦。今日我拣左个羊腩煲，上枱热辣辣香喷喷，柱候香味扑鼻。原本以为任食既质素可能会低啲，点知出乎意料之外, 羊腩炆得好软身，一啲都唔膻，羊味够。枝竹冬菇好入味。第二个step ,打边炉 叫咗养生滋宝鹧鸪汤黎暖下身先，汤底一上枱，已经闻到暖暖的虫草花加上鹧鸪嘅香味，试左一口汤底就知系真才实料。 打边炉一定要叫牛肉啦。呢度系用严选安格斯牛肉，今日上枱嘅系牛板腱，肉色鲜明新鲜，少脂肪。主角到齐，即刻落牛肉试下，只需落汤渌十几秒已经可以入口，肉质嫩滑有咬口，有肉味，一啲都唔“鞋”。