まいど

营业中

休息中

如果睇开岛主嘅post , 唔少韩国餐厅都集中喺尖沙咀韩国街或附近。🤣 今次介绍一间 家庭式经营同木系风格嘅韩国菜。 🇰🇷由韩国人打理，落单就自己喺纸仔写低𩠌菜no. 比佢。随后送上三碟前菜，个人偏好辣泡菜，味道似自家腌制，辣度啱啱好，送饭一流。 石头牛肉拌饭石头饭系韩国菜必叫嘅，色彩丰富，包括牛肉同配菜： 翠玉瓜、芽菜、红萝卜丝，再用半熟鸡蛋搅拌， 再倒啲韩式辣酱捞饭，更加开胃，食到底部仲会带有少少饭焦，几脆口。 铁板泡菜五花肉五花肉肥瘦均匀，油香渗透出嚟，夹埋泡菜，几惹味。 海鲜煎薄饼热辣辣用铁板，比较薄身，唔算脆口，入口软熟，铺满韭菜、 鱿鱼，点上韩式醋酱。