馬得里

营业中

休息中

好耐无去荔枝角，经过见到试业中咪试下。不过无叫到贵𠮶啲扒餐，净系叫左最平既铁板汉堡扒同意粉。份量系好充足，意粉成碟好重手，打包左半碟走；铁板餐有薯条再比埋饭，套餐仲有包餐包，汤，饮品。铁板块汉堡扒就偏硬偏干同埋啲汁可以再多少少黎𩠌饭，棵西兰花就硬到切唔开。服务方面就正如其他评论所描述有待改善。某员工帮我落单，好似好唔耐烦不断challenge：我指个menu比佢睇，又话我指上面定下面，指幅图但讲上面个名，口不对心究竟你要边个，最后我索性讲个exact价钱。之后我继续讲要烧汁，冻柠茶，佢又话唔好同我讲咩汁迟啲会问你🧐问我要咩汤先，我答完，佢又再问咁要饮咩，我又再指返个menu话冻柠茶，之后佢话你要大柠茶定冻柠茶，你又指幅图但又讲冻柠茶即系乜，两样野黎㖞要加8蚊，我再睇下幅图先发现原来隔离有个系加大版既冻柠茶，我心谂新开张试业个个都系第一次黎食鬼知你个menu咩结构，讲多句唔洗句句都窒住晒既。其实𠮶阵都平日夜晚8点几，又唔系好多人，都唔觉得系好繁忙既时段。之后到个餐黎左佢先再问你要咩汁，即时帮你倒落去😯终结，系for大食既人，一系你叫少个餐share，不过唔知有无低消🙃