火五越式牛肉粉專門店 (其昌樓)

营业中

休息中

上星期五约咗旧同事聚旧。佢想食越南菜，于是拣咗位于佐敦嘅火五越式牛肉粉专门店。地点非常之方便，出港铁步行约5分钟内到达。我哋点咗火五火车头牛肉粉、炸软壳蟹捞檬、蚝油唐生菜、香茅鸡翼、冻咸柠梳打和冻越南椰汁冰。火五火车头牛肉粉有生牛肉、熟牛肉、和牛牛丸和扎肉。无论生定熟嘅牛肉味道也新鲜可口。至于和牛牛丸，更满满嘅油脂，满满嘅和牛感。再加埋扎肉真系好丰富，满满嘅满足。汤底喝出越南粉嘅清甜味道，牛肉粉嘅份量更是非常多。炸软壳蟹捞檬有脆脆嘅炸软壳蟹配以酸酸甜甜嘅檬粉，增加胃口，最啱夏天食。食越南菜点可以唔食香茅食物~香茅鸡翼带有新鲜嘅香茅味，肉质鲜嫩。冻咸柠梳打清甜嘅梳打中间夹杂咸柠肉粒，非常解喝~冻越南椰汁冰鲜甜嘅椰汁配上爽口嘅椰肉，都系夏日冰凉解暑之选。小小嘅越南店彷似去了一躺越南之行，而且非常之抵吃。我同朋友都食得很饱很饱，捧著大肚腩回家。