樓下冰室

营业中

休息中

妈妈之前经常提及荃荟商场开左间怀旧嘅冰室睇落好似几唔错，佢表示想揾日去试下. 琴日咁岩要过吉之岛买啲嘢咁就顺便同阿妈一齐去试吓呢间装修怀旧既楼下冰室！入到餐厅，见到餐厅嘅装修风格都几特别而且比起一般嘅茶餐厅或冰室来讲佢地既地方算大坐都算舒服！呢间冰室都算几多嘢食佢地嘅主打食物应该系蕃茄浓汤粉面同埋瑞士汁鸡翼鸡髀，所以我都专登叫咗来试吓😊特色蕃茄牛肉浓汤米线🍜配瑞士汁鸡髀🍴牛肉蕃茄汤米线🍜都几大碗，个蕃茄汤好浓郁，汤入面有啲蕃茄溶，仲有个炒滑蛋on top都几丰富！佢地既招牌菜瑞士汁鸡髀都没有令人失望👍🏻 卤既时间都好足够，鸡髀好入味，个瑞士汁好浓带点甜，唔错 👍🏻胡椒猪肚鸡汤饭🥄哗！劲大碗呀！汤饭既鸡件嫩滑，猪肚爽口👍🏻 入边仲有枝竹同娃娃菜，非常足料，个汤底亦都鲜甜👍🏻 真系大件夹抵食！炸韭菜饺子 🥟🥢呢个炸饺子有点小惊喜！！好大碟只只都好多馅热辣辣涨卜卜 😍 妈妈超爱话好有韭菜香，饺子皮也炸得刚刚好，点沙律酱食好夹，佢食唔停口！冻阿华田脆脆唔算好甜, 味道唔错！上边仲有啲脆脆，几有口感！