芳華絕代 (已結業)

呢一间餐厅外墙嘅霓虹灯10分吸精，而食物亦都绝不马虎，难怪长期都打晒蛇饼咁排队。芳华绝代一开头听个名唔知食咩菜，见到餐牌发现佢主打泰国、马来西亚、新加坡等的东南亚菜式。今日叫咗一个船面，坊间嘅船面较为细碗，但呢一间无论面嘅份量或是𩠌菜嘅份量都偏多！汤底浓郁，香叶味亦都渗透落到汤底！正！再叫咗一个炒金边粉，略嫌有少少太湿，但味道绝对可取！𩠌菜绝不吝啬，配上一小旧青柠，啱晒钟意食酸啲嘅朋友仔！饮品方面叫咗米渌恐龙，超级超级好味！（虽然有少少甜得济），但等冰块稍为融化就啱啱好！午市套餐可以加配蔬菜或者小食，价格不算太贵，小食份量适中！