小火焰韓式咖啡廳 (金山樓) (已結業)

韩国菜，我谂女仔基本上都唔抗拒。相比意大利菜，法国菜，男生更唔介意陪女朋友食。听闻呢间韩国餐厅既平民价又高质，仲要唔收加一！入到去环境都算大同舒服，基本上都系半梳化卡位。我地order左以下几款试吓：泡菜鳗鱼烧伴饭️以为会好普通，点知出乎意料之外。卖相吸引，颜色丰富，块鳗鱼仲要唔细旧，再加上有粟米粒、黑木耳丝、紫菜、泡菜捞饭，用料够大方。北寄贝水冷面「水冷面」系香港第一次食，餐厅有几款可以选择，我拣咗北寄贝。碗面有旧冰系汤匙度，应该系想食客自己放系汤度令到食个阵啲面都keep住够冻。另外有半只蛋、甘笋丝、青瓜丝，仲有梨丝，口感好过瘾。面质比较偏韧，但好适合夏天食好开胃。明洞饺子炒粉丝因为见啲饺子好吸引，所以嗌呢个简直系一举两得。粉丝入面加左冬菇、金针菇、椰菜同翠玉瓜一齐炒，唔算多油，饺子够大只而且微煎过，好味！炸鸡Combo小食点得炸鸡，呢个Combo一次过可以试哂三款小食（鸡软骨，甜辣炸鸡，芝士酱薯条）都系要赞啲份量好够食，鸡软骨脆卜卜；炸鸡啲鸡肉唔dry够juice；反而薯条因为淋咗芝士酱同芝士粉，食完觉得好漏。