財記辣蟹私房菜

营业中

休息中

财记前身其实系老牌小炒店越华会，早前越华会因为疫情而结业，财记嘅总厨就铺位连原班手足一齐接手，有心人系值得支持下嘅。茶钱$10/位，花生$20/碟。财记出名食海鲜，所以海鲜种类除左多之外，每款海鲜都有几款整法拣，另外猪牛鸡、蔬菜、煲、汤同饭面选择都一样多，除左海鲜大部份都系时价之外，其他菜式都系一百几十就有交易。脆皮炸豆腐($78) - 炸豆腐比平时食倒嘅大粒，份量都好多，豆腐炸皮够脆食落仲系脆脆地，豆腐热辣辣，椒盐味都够，个人觉得就算唔蘸甜辣酱食都好食。鲜奶蛋白虾球($148) - 虾球好大只，肉质扎实，仲有八只咁多，鲜奶蛋白好滑唔会太熟，性价比非常高。椒盐排骨($95) - 排骨份量一样咁多，排骨外面够干身唔会太油，但中间肉质仲保持软嫩，够晒椒盐味非常惹味。京葱酱爆牛肉($98) - 牛肉量都几多同几大块，牛肉软嫩，惹味得黎唔会太咸。咸鱼粒炒芥兰($88) - 芥兰冇渣冇苦涩味，食落几脆口，咸鱼虽然唔多，但咸咸香香几好食。总结，小菜好够镬气，惹味得黎食完又唔会觉得口渴，碟头比出面大份，性价比高。