LeeLaksa

营业中

休息中

又到咗一月一度嘅月经饭时间，为咗方便呢位妈妈朋友可以快啲返屋企，我哋都系拣返喺公司附近嘅餐厅。今晚就试吓马拉菜，平时行过都见到好多人嚟买外卖，应该都唔错。我哋叫咗个串烧拼盘，原本个拼盘应该系有三款嘢食，包括鱿鱼须鸡肉同埋虾，但系因为鱿鱼须已经卖晒，所以变咗虾同埋鸡肉每样两串，佢嘅份量比我想像中大好多，串烧本身辣辣地，都真系好惹味。然后我哋原本想叫椰菜苗，不过又系卖晒职员就介绍我哋可以食佢哋嘅通菜。我哋拣咗虾酱高炒通菜。佢个菜都好爽口，如果虾酱都唔会太咸，味道啱啱好。最后就叫咗个炒贵刁，呢个贵刁好得意除咗河粉之外，仲有一啲面捞埋一齐炒，上面有虾仁，都系辣辣地，同样地份量都比我想像中大，其实我哋两个人都食唔晒。而令我觉得最特别嘅系佢中间会有腊肠，甜甜地同个辣味中和返，味道都几特别。