曼谷泰菜 (已結業)

Halloween夜晚都系无谓出旺角尖咀铜锣湾迫人，今次拣左沙田巿中心既曼谷泰菜。装修同菜单泰国风味一般，不过估唔到就喜出望外。今晚唔太肚饿，叫左个平既二人餐，有冬荫公汤，虾饼春卷拼盘，咖哩软壳蟹，鱼露炒杂菜，虾酱饭同埋甜品。份量绝对有交代，全部大大份，甜品同拼盘都做到一人两旧。冬荫公汤酸辣适，每人有两碗度，不过唔食莞茜既朋友可以叫佢唔好落。软壳蟹估唔到会有咁多件，咖喱汁伴住生菜一齐食一流。鱼露炒杂菜普通货色，虾酱饭炒得几干身同入味，我觉得唔错。啲食物整体唔错，系味道会浓左少少，不过服务员态度都唔错，成日自动加水，沙田巿中心又一唔错既食店，大家可以一试!!!!!!