Orange Elephant Thai Restaurant (博文街) (已搬遷) 新店位置

每日都有一款 $1优惠菜式，试问有边个见到唔会心心眼，虽然系优惠，但食物质素一d都唔马虎。蛋网海鲜金边粉($88)，蛋包饭就食得多，蛋包金边粉第一次食，一切开入面即喷烟，热辣辣，夏天食返d酸酸尾尾即美食好开胃，搅拌埋花生碎一齐口感更好。泰式卤水猪脾焗粉丝煲($106)，粉丝唔会太干太湿，挂满住猪脾既肉汁，至于猪脾亦煲得好腍，而且去晒骨。黄咖喱鸡($1)，哩个就系优惠菜式，鸡肉都有好多，绝不马虎，咖喱味香浓。特选椰青($42)，大大个椰青，满满既椰水，好饮，椰肉容易刮起，好方便。