金蒂餐廳

营业中

休息中

朋友好介绍！话呢到系食菲律宾餐既！见未食过所以去试下！果然系好介绍！个黄姜饭超好食！呢个饭有好多𩠌一齐，有鸡翼，肉松，花生，烧牛肉，豆卜，豆角等，岩晒我呢d钟意咩都试下既人！所有材料加埋一齐食仲好夹！个口感好特别，有d硬，有d软。我特别喜欢佢应该炒过黎既咸花生同埋好香口既菲律宾烧牛肉！个牛肉好香，亦好烟韧。鸡翼炸过黎，肉质韧左d，但汁都锁得住个配酱好"希"，少少辣，仲好香椰奶味。70几蚊仲包椰汁西米露同无限添饮！份量真系超多！