昭拍耶

营业中

休息中

好耐冇同两个小同见面啦, 今次大家约左去九龙城食泰国菜~男小同之前嚟过佢个分店食饭, 话啲野食好好食同环境好靓~我同女小同早到左去分店攞位, 点知发现已经停左业, 唯有行多一个路口去嚟总店食啦~总店同分店个装修好唔同, 总店呢度系似泰国当地家庭式经营嘅餐厅, 店员沟通都系用泰文, 墙上仲贴左好多泰国广告poster。座位亦唔算多, 我哋入嚟嘅时候有三,四枱客, 坐低左无几耐已经满左客。我同女小同都开始肚饿,就决定叫定野食等男小同。我哋叫左半打串烧(鸡肉+猪肉), 泰式炒金边粉, 南瓜咖喱软壳蟹, 薄饼, 马拉盏炒通菜, 同埋椰汁千层糕。串烧烧得啱啱好, 加埋沙嗲酱好香, 又酸酸甜甜, 做前菜开开胃😋😋南瓜咖喱软壳蟹, 软壳蟹炸到脆卜卜点咖喱, 好中意泰式咖喱唔太辣但好香椰奶味😋😋试埋个南瓜, 南瓜如果蒸耐啲会好啲, 有啲位仲生生哋太爽口, 我同朋友都中意食稔身啲。用薄饼点埋啲咖喱食仲好食😋炒金边粉有原只虾, 豆干, 芽菜, 有唔同嘅口感, 加埋脆脆嘅花生碎, 好香, 好好味😋😋马拉盏通菜炒得好香, 唔会太咸😋😋椰汁千层糕加椰浆之后好好食, 暖暖哋, 好香椰子味, 一层层, 好烟韧, 但