創味坊 (已結業)

呢间茶餐厅都几抵食。环境比茶餐厅高级。好有屋企既感觉。叫左个珍宝杂扒，好多种扒呀。鸡，猪，牛，烟肉，肠仔，乜都齐，好似我，啱晒我呀！成个set有忌廉汤，蒜蓉多士。大大块。我既扒黎啦。白菌烧汁既蘑菇味好香。鸡扒煎得香滑，而且所有扒都唔会太油。90蚊既杂扒餐，算好味同抵食。猪扒整得好香，同烟肉加埋烧汁一齐食味道更突出。要食得好满足同饱，呢个套餐可以满足到我既要求！见到间餐厅有个多士几得意，黑白一口多士，叫黎试下。朱古力同奶，糖混埋一齐，啱啱好一大啖可以食晒既多士，有五件咁多，好邪恶呀！一口吞左落肚，香甜味一次过爆晒出黎，超级正！只能够讲所有野都份量大，味道好既，食得好满足。