影片
更多
2015-02-16
8928 浏览
餐厅环境非常舒适，系正海边，好有情调同气氛。但系枱同櫈却犯咗一个好多餐厅都会犯嘅问题：就系櫈太矮枱太高。唔知系咪愉景湾太多外国人，所以枱櫈要刻意迁就外国人身形，但亚洲人坐落去就真系唔太啱比例。除左枱櫈唔啱比例，食物嘅份量更加唔啱比例，2个人叫左1个前菜及2个主菜，1半都食唔完要打包，不过味道同质素都唔错。其实份量咁大系咪好事就真系见人见智，个人则倾向认为若然菜式份量愈多，精致程度却会相反地减少。Salt and Pepper Calamari $135完全估唔到会咁大碟，8-10个人share都绝对可以。鱿鱼好滑嘟嘟好爽口，咬落口一啲都唔会仞，味道好鲜甜。出面层炸粉好够薄，炸得刚刚好，非常松脆可口, 一啲都唔油腻。Surf and Turf $295牛柳非常非常之大件而且好好好厚。表层煎得几香，有小小焦，刚好小小脆囗，牛柳味道几浓郁。咬落口非常淋滑，好松软，不过松软嘅程度过份得有点唔似系天然。配牛柳嘅蘑菇汁则比较一般，味道较为普通。大虾亦好大只，肉质爽口，味道鲜甜，好新鲜，有炭香味。但伴碟嘅大蘑菇则又干，味道又怪。Wild Mushroom Linguine $125份量真系不得
餐厅环境非常舒适，系正海边，好有情调同气氛。但系枱同櫈却犯咗一个好多餐厅都会犯嘅问题：就系櫈太矮枱太高。唔知系咪愉景湾太多外国人，所以枱櫈要刻意迁就外国人身形，但亚洲人坐落去就真系唔太啱比例。
除左枱櫈唔啱比例，食物嘅份量更加唔啱比例，2个人叫左1个前菜及2个主菜，1半都食唔完要打包，不过味道同质素都唔错。其实份量咁大系咪好事就真系见人见智，个人则倾向认为若然菜式份量愈多，精致程度却会相反地减少。
Salt and Pepper Calamari $135
完全估唔到会咁大碟，8-10个人share都绝对可以。鱿鱼好滑嘟嘟好爽口，咬落口一啲都唔会仞，味道好鲜甜。出面层炸粉好够薄，炸得刚刚好，非常松脆可口, 一啲都唔油腻。
Surf and Turf $295
牛柳非常非常之大件而且好好好厚。表层煎得几香，有小小焦，刚好小小脆囗，牛柳味道几浓郁。咬落口非常淋滑，好松软，不过松软嘅程度过份得有点唔似系天然。配牛柳嘅蘑菇汁则比较一般，味道较为普通。大虾亦好大只，肉质爽口，味道鲜甜，好新鲜，有炭香味。但伴碟嘅大蘑菇则又干，味道又怪。
Wild Mushroom Linguine $125
份量真系不得了，多得夸张，3-4人share都得。酱汁非常creamy，充满奶油香，不过有点"流"。有好多唔同种类嘅菇，全部都好新鲜。意粉好粗身，煮得刚好，唔会太硬或太软，大大啖放入口感觉好满足。但放系意粉上面嘅装饰则令我有点摸不著头脑，外形怪怪的，又绿色又红色，完全估唔到系乜。食落口原来系酥皮，但已经漏左气。
总括泥讲，呢个价钱咁既份量真系好低食，味道不俗，但精致程欠奉。
张贴
