洪昇食堂

营业中

休息中

朋友带我去佢屋企附近既大排档开餐，依加咁地道又咁大地方既大排档已经唔多见最岩一大班朋友黎聚餐食烟饮酒讲粗口仲可以玩下骰仔，当然唔食烟都可以坐非吸烟区既。门口仲有好香既串烧烧烤档，价钱唔贵，谂住走个阵买几串返去做宵夜，但最后食到太饱，唯有下次再试。入座后店员会主动推荐有咩海鲜新鲜好食，听完介绍决定叫个鲍鱼鸡煲、京都骨同西兰花斑球。本身想叫多个煲仔饭，见系即叫即煲好好食咁，但好似一煲细既都要3-5人先食得完怕浪费所以影左相当食左就算。鸡煲好正，鲍鱼好新鲜，爽口又弹牙鸡件煮得刚好，每件都好嫩滑鸡煲汁送饭一流京都骨份量超出预期好抵食，而且肉质好爽嫩，完全唔会干争争咁，值得一试西兰花斑球既鱼肉好厚实件件都好大块，调味亦刚刚好闲聊时老板娘仲提及里面有60几张枱，坐到二百几三百人，最大枱可以坐到18个人，曾经全盛时期每晚可以坐爆5百几人，真心旺场。而且仲有三十多个停车位比食客免费泊车，免左揸车要揾地方泊车既麻烦。