旺旺至尊燒鵝冰室

营业中

休息中

呢间冰室开张以黎，每次lunchtime都好旺场，今日lunch就黎试试，入到餐厅好光猛，而且装修以赌场风做主题，都几得意，食物方面份量好够，味道就正正常常。《烧鹅+玫瑰豉油鸡濑粉》$56烧鹅味道普普通通，无太大嘅惊喜，而且酸梅酱过甜，抢走烧鹅嘅鹅味，建议大家唔好点酱食。油鸡方面，鸡肉都算嫩身，虽然话系玫瑰鼓油鸡，食唔出玫瑰味，同普通鼓油鸡一样味。《金牌四宝饭》$58𩠌同饭嘅份量都偏多，有5旧叉烧、5旧切鸡、5旧玫瑰红肠同半只咸蛋，可以啖啖肉咁食，对得起个价钱。虽然份量多，味道就中规中矩，无话边样烧味特别出色。