味真越 (已易手) 新餐厅

南港岛线未开之前，去香港仔鸭脷洲真系好唔方便，而家有地铁，得闲可以入去行下，前几日就入左鸭利洲大街，食午餐再出发去行下山，天口庆庆地想食下啲湿啲既野，就入左去间叫味真越既越南餐厅。餐厅都几的色，得几个位同一堆自闭位，睇黎都系做街坊生意多，环境都几干净，都系食下越南汤河同d小食咁。生牛肉汤河＄48生牛肉好有牛肉味，唔会太熟好韧或太生有一阵酥味，而且份量好多，应该无10片都有8片牛，无偷工减料，牛肉片唔似肥牛，一d肥膏都无好健康，个汤色都好清。香茅鸡翼汤河＄48鸡翼热辣辣岩岩整起，个皮炸到脆卜卜，味道适中唔会太咸，里面仲有汁无炸到干晒，最重要系唔洗讲都分开上，几体贴唔会浸林只鸡翼。炸虾饼＄48个虾饼都几大份，切开都有六七旧，即叫即炸，上枱非常脆，弹牙有口感，唔加甜酸酱都好够味道，好有虾既咸香。两个人食百五蚊，整体比想像中好，平平地一碗粉，性价比都几高。