Home Place Cafe (已結業)

成日去旺角Home Place饮野，都几钟意果度环境舒服，又钟意饮杯热蜜桃茶，同朋友倾下偈咁。呢晚就第一次试晚餐，个什菜汤好好味，非常足料，蕃茄味好浓郁，都几大碗下，但因太好味饮晒。我order咗carbonara意大利粉，我朋友就食烟鸭胸意大利粉，两碟意粉都大碟，我未见过carbonara会咁足料，有好多烟肉及火腿，仲有菇，真系料多过意份，但食落味道都几好，不过唔够creamy，芝士味不足，如果个汁同个味道再整得rich d，就会更好食。我食咗一块鸭胸，好淋好入味，仲系好大块，我朋友都话个意粉整得好食，味道一流，但实在食唔晒成碟。仲有甜品夹饼，我地都食唔落了，只系饮埋杯餐茶就算，都系饮我最爱嘅热蜜桃茶，唔太甜但茶味香浓，为晚餐划上完美句号。