影片
更多
2018-07-18
427 浏览
闲日夜晚8点半去朗豪坊揾野食，原本谂住食八月轩，贪佢用AE白金卡星期一至四2个人6点后食饭主餐牌有半价，申请左两年比足两年年费都好少用，去开旺角就去享用下优惠，点知咁晏仲要等8张枱，所以转移左去13楼依间餐厅。其实年几前都食过一次，食过德国肠、German style 小粉团等都记得味道一般，但系因为口痕想食下炸薯条、creamy野同「唔洗等位」所以又黎过。今次叫做健康返dd嗌左份<German style 鲜果沙律>、<German style 小粉团>（忍唔住又嗌）<黑松露薯条>同Tiramisu 。沙律同薯条好快到，<黑松露薯条>暖暖地、唔脆、唔香、芝士味同黑松露味都欠奉☹️，当时仲比左个藉口佢：可能因为兜乱，即系黑松露同芝士捞哂入薯条度先上碟，所以算吧。 <鲜果沙律>有好几种生果：青苹果、啤梨、无花果、橙、提子等等，每样两三粒咁，仲有少少芝士同合桃，$98比个人refresh一下都还可以啦，不过老实生果就唔多新鲜，橙更加系有阵变左嘅味，明显系切定嘅... 之后上埋<小粉团>，份量好
其实年几前都食过一次，食过德国肠、German style 小粉团等都记得味道一般，但系因为口痕想食下炸薯条、creamy野同「唔洗等位」所以又黎过。
今次叫做健康返dd嗌左份<German style 鲜果沙律>、<German style 小粉团>（忍唔住又嗌）<黑松露薯条>同Tiramisu 。
沙律同薯条好快到，<黑松露薯条>暖暖地、唔脆、唔香、芝士味同黑松露味都欠奉☹️，当时仲比左个藉口佢：可能因为兜乱，即系黑松露同芝士捞哂入薯条度先上碟，所以算吧。
<鲜果沙律>有好几种生果：青苹果、啤梨、无花果、橙、提子等等，每样两三粒咁，仲有少少芝士同合桃，$98比个人refresh一下都还可以啦，不过老实生果就唔多新鲜，橙更加系有阵变左嘅味，明显系切定嘅...
之后上埋<小粉团>，份量好大，好足cream 同芝士，有烟肉干同少少磨菇，啱哂我地两个唔cream唔食嘅人😂，入口系ok 嘅，不过真系食一份都腻了，两个人食真心唔建议嗌...结果剩左半碟，男友叫我打包做听日lunch, 都好嘅唔好浪费啦，阵间仲想食埋个Tiramisu, 虽然镬底有大量嘅油垫住😅⋯⋯
问个侍应拎左个外卖盒，男友好好心机咁装好，仲放左十几条薯条入去，当我仲话紧佢
「会唔会太heavy呀听日个lunch, 薯条叮左边好食架，索油就有份」之制，另一个侍应走埋黎话用AE找数有折的话就「食剩左唔可以外带」！我话咁咪好浪费，佢竟然答我「唔怕！我地有厨余」下！？咩叫有厨余唔怕？唔止迫人浪费食物，又浪费左一个外卖盒...佢话好多人利用半价优惠嗌好多野打包㖞，所以新条款列明食剩都唔可以外带！咩道理？
不过系我地衰冇睇清楚条款嘅，餐厅话唔可以睇情况做事都算，但我觉得餐厅侍应态度可以好少少，唔系一味同客人斗讲野，客人都未讲完野就bilibala讲讲讲，务求要打断你讲野，都唔比机会你讲野，其实你几唔想听都听下客人意见先啦🙄⋯⋯最好笑系佢同我讲如果OpenRice coupon 就有买一送一主菜优惠，咁用coupon嘅食唔哂又可唔可以打包呢😠？
结果盒野食就咁比佢收左，Tiramisu 我都cut埋，冇mood食😣⋯⋯
结论，其实d野食一般般，如果唔系因为比左两千几银年费有半价优惠都唔会帮衬依间，之后都唔会再黎，就系咁。
Germany style -鲜果沙律 &黑松露薯条
15 浏览
0 赞好
0 留言
9 浏览
0 赞好
0 留言
18 浏览
0 赞好
0 留言
张贴
