蒸廬 (Plaza88)

营业中

休息中

过年前开业，疫情下外卖尝试一下。两个人叫了烧卖、虾饺、牛柏叶、士多啤梨虾多士、鱼肉韭菜饼、同埋抹茶叉烧包。本来仲谂住份量唔够食，点知烧卖虾饺超大粒，牛柏叶都好多件，因为点心比较漏，其实店家可以考虑一下份量细啲，价钱降低少少，应该会更适合香港人小家庭嘅份量同埋口味。🧡烧卖同虾饺：肉同虾嘅馅料的确好多，但系因为份量太多，虾饺皮又太厚，食咗一粒已经好济😵‍💫。🤎牛柏叶：分量多，比较大件，虽然唔un, 但系都要咬好耐，难消化。酱汁味道还好，偏淡。💗士多啤梨虾多士、韭菜鱼肉饼：虾多士嘅肉部份太多，比例唔系好啱，酱汁酸酸甜甜，有惊喜。韭菜饼的韭菜味完全食唔到，鱼肉反而OK冇碎骨同埋腥味，煎得够干身同埋脆，点泰式甜酸酱配搭不错。💚最后亦都系最推介🌟抹茶叉烧包：其实讲真抹茶味冇乜，但超欣赏佢个皮好薄好薄，亦都好软身，叉烧馅味道非常之合适，叉烧粒亦都大细均称，咬落去完全是流心的效果。总括而言，令我地会回头嘅可能就系➡️➡️抹茶留心叉烧包。