The Pantry (已結業)

睇完戏出嚟食晚餐，咁啱呢间系正戏院隔离所以就入咗嚟食。餐厅环境都几大，座位算阔落，店员好贴心咁同我地介绍食物。呢度用平板落单，可以系平板睇完啲食物图先叫，都几方便！今次叫咗软壳蟹沙律，软壳蟹热辣辣炸好，炸浆唔厚，软壳蟹亦都大只，配埋沙律菜同埋酱汁好夹，好开胃。虽然好大碗，但系作为前菜都唔会话食完会饱。主菜就系肉眼扒，3成熟，都几香肉味，另外有蒜蓉黑椒汁配，不过我哋就无用，反而用返盐调返个原味出嚟。食落肉质唔鞋，仲几腍添！配埋薯条同沙律菜都好饱呀！明太子海胆意粉，份量都好多，海胆鲜甜，ON TOP 有啲大大粒鱼籽，意粉每一条都沾上酱汁，不过略嫌食得多都会有啲滞，应该可以1个主菜一齐share~最后叫咗个朱古力PANCAKE，落单后差唔多要等20分钟先到，卖相好靓，2个人食呢个真系有啲太饱，不过我个人比较钟意甜返少少，呢个就唔系好甜。