Mee...lemongrass (彩園廣場) (已結業)

餐厅喺彩园广场地下𠮶层，中午先开门，最旺场系晚市市段，好多街坊嚟帮衬！ 唔想迫，可以早少少嚟食。今日带屋企长老嚟食饭，我乖！马拉盏炒通菜先食个通菜先，可以拣马拉盏或蒜蓉炒，马拉盏少辣，够惹味！ 偏咸，下饭一流。地道串烧海大虾4只虾烧得几香口，但比较细只。 反而伴碟嘅新鲜菠萝好香甜，仲吸引我。秘制肉骨茶好大锅，冬菇、豆卜、枝竹、肉骨，材料十足。 mee 小食拼盘虾饼X2、串烧X2、鸡翼X2、春卷X2，仲有无骨凤爪，二人share啱啱好。 最钟意系虾饼，外面脆，里面超弹牙！十胜红豆牛奶如果有多啲红豆就好喇。甜品叫左椰汁西米糕，椰味香浓，喜欢！值得一赞系服务员个个都好有礼貌，食得开心。