古宮韓國料理 (已結業)

和朋友二人在尖沙咀, 特然很想吃菜包肉 "보쌈" (Po Ssam) 谂起好耐冇去过, 加上又可以坐得耐既古宫, 所以决定行返去尖东都要食呢间!之前食过几次, 全部都系四人枱, 两个人坐好阔落, 又可以坐得耐啲, 绝对系倾偈既好去处. 其中一个我最钟意呢度既地方系呢度既前菜特别齐, 样样都好好味! (不过我记得好以冇得添既.. ) 前菜前菜极齐全! 记得第一次食个冻既南瓜汤时觉得怪怪地, 但其实几好味~! 泡菜煎饼不会失望的, 几好味, 烟韧适中, 甜咸刚好. 唯独要沾汁就要问佢攞, 佢唔会自动俾~  五花腩好大碟! 虽然冇煮𩠌技巧可言, 但佢既准备功夫系值得一赞!平时食菜包肉, 啲大酱, 辣椒, 生蒜等都系分开上既, 但呢度帮你捞好哂! 啱哂啲懒人! (我认)除此之外仲有多另一只酱又系事先捞好的, 有萝卜泡菜丝系里面仲有... 生栗子? 唔知系咩嚟, 但都几好味!**我地眼阔肚窄, 谂住得一个五花腩, 叫多样好似开心啲, 点知食唔哂!见隔离枱三个男人都系一碟五花腩咋!! 下次一定唔会叫咁多!所以嚟呢度食, 唔好好似我地咁浪费食物呀~! T_T **除此之外, 我地叫咗两支啤酒一支烧酒