川婆婆 (金馬倫道)

营业中

休息中

今日第一次食 买外卖自取返屋企 叫咗麻辣中辣宽粉($22)+萝卜($8)+牛腩($15)+炸猪扒$(15) 返到去打开个盒o咗个嘴😓得3旧仔牛腩(2大1细)写到明系靓牛腩啫 加咗15蚊都唔系呢个份量啊嘛😅味道正常 肉质偏瘦有啲柴 似煮得唔够耐 寛粉劲淋一啲咬口都冇 完全唔似系薯粉 未食过咁难食嘅 已经叫咗分汤 好心就换过批货啦 份量又系劲少 半兜都冇😑正餐嚟讲冇可能食得饱 汤底第一啖食落唔错 够浓够惹味 麻同辣都够 但系食食下就觉得太咸同埋太重味精 要一路食一路饮嘢 食完劲口渴 萝卜又系得3旧仔(1大2细)好彩都几好食 够淋同埋冇渣 猪扒拎到返嚟淋咗 不过味道唔错 调味都系偏咸 重香茅味几香口 但系痴咗啲㶶咗嘅香茅系底😅份量正常 有一块完整嘅 总结60蚊食呢碗面完全唔值又食唔饱 唔知系咪外卖所以份量咁少😓唯一值得一赞嘅系男店员几有礼貌😄本来见到咁多好评满心期待😅点知换嚟嘅系失望 希望老板见到呢篇文会好好改善分店食物质素同份量啦 唔系都好难会再帮衬