龍糖坊

营业中

休息中

铜锣湾新开糖水舖，身为街坊嘅我当然要试一试。试咗两次都系外卖。第一次试，见到个份量其实都都几失望。$40嘅芋圆西米奶冻，细过我手掌嘅小饭碗size。味道算OK。第二次试，年初三晚上，人流一般，未算超忙，不过有别于第一次，今次职员叫我扫QR code落order，然后到门口外边等叫号。我就出去门口外面，扫QR code落order。网页只有一个选项系到店付款，我就一心谂住等职员叫好就入店内付款。等咗好一阵，见都冇职员叫号，就谂住入店问。入到去，发现我嘅order已经入好袋摆咗喺度。原来系要自己先入去俾完钱，职员先至会到门口叫号取。我先向职员表达佢哋冇事先讲清楚呢个运作流程，以致我已经在门外无知咁等候，同一时间亦有另一位客人表达同样意见（证明真系佢哋嘅职员冇讲得好清楚）。但系最令人失望，系佢哋毫无反应，一句「唔好意思」都冇讲…… 虽然，我唔期望糖水舖有几好嘅服务，但系如斯态度，真系令人却步！喺而家饮食业咁艰难嘅时候，请到啲咁嘅员工，我只能同佢老板讲声「自求多福」。要我再去，免了。