福源川香閣

营业中

休息中

好耐无食过酸菜鱼，上网揾左间风评几好既四川菜馆，系湾仔区方便我收工去。先饮个菜干猪骨汤，一大碗老火汤味道一流，正。手拍青瓜川菜硬系会加左辣椒碎，酸辣既拍青瓜令你更口胃口。虽然话系前菜姐，都几大碟。酸菜鲈鱼点左店家主打既加州鲈鱼，小份已经系超过两个人嘅份量。有好多鱼肉，酸菜，炒过既香菇，同薯粉。鱼肉薯粉滑滑，加上小辣，食得够过瘾!糖醋排骨糖醋排骨酸酸甜甜，真系做得好出色，比起平时食开既咕噜肉无左层炸酱，啖啖肉好食得多。金蒜粉丝蒸娃娃菜本身谂住食多啲菜，点知系一大碗上！ 粉丝同娃娃菜索哂金蒜既香气同味道，最中意咁样煮粉丝，特别滋味，我仲特别叫咗少油。想讲个茶真系好好饮，幽香味微甜，后劲带点回甘，同普通茶相比实在系与众不同，细问下原来系野生菊花茶。最后要赞赞待应好有耐性答我地啲𩠌既size同份量大概几多，有个仲系我哋食紧时再留叫我哋参考下隔离枱刚上既菜，隔左咁耐都记得，好有心呀。