麻浦元祖 (已結業)

侍应全部讲英文，老板娘同老板好nice，尤其老板娘好好笑容，前菜多，水系会俾市面上嘅樽装水你，虽然唔系水龙头水，但有啲唔环保。但食物质素真系麻麻地，份量极少，我地得两个人原本谂住吃盘牛肉、鱿鱼、柚子烧酒再加一人一碗饭就够。点知鱿鱼就得两片(可能见我地得两个人)，特上牛排骨肉就得四、五片薄片，焗住叫多个辣五花肉同海鲜拉面先够饱。而最好味竟然系最平嘅海鲜拉面$58，第二系特上牛排骨肉$180(不过不失)，第三系辣五花肉$125(摆明啱啱系冰格攞出嚟，雪到劲硬，有雪藏味)，第三系鱿鱼$130(冇味、完全咬唔烂)，饭唔系百分百珍珠米，柚子烧酒好药水味。主动问先知原来芝士粟米同埋泡菜蛋可以refill ，当然唔好期望会主动行过嚟同你refill，但佢地就要叫几次先过到嚟refill。老板好唔熟部机器EPS同Visa都分唔清，搞到要碌左四五次先知道点比钱，然后睇到张单见到咁贵，又废事阻住人哋做生意，就出去门口禁下计数机计下条数，点知老板娘见到就有啲语气唔好用英文讲叫我地有咩事入去铺头倾，佢哋唔会呃钱嘅。然后发现原来佢哋系计原价钱既服务费而唔系计八折左嘅价钱嘅服务费。