影片
更多
2019-12-12
439 浏览
中环番工既应该都知万宜有间lunch又抵又好食既和民。今晚OT耐左我地决定黎食晚餐，呢度有四款二人餐，由三百几到九百几都有，适合唔同budget既大家。我地见$498呢个有天妇罗又有刺身，就拣左呢款豪华二人餐。呢度上菜超快，10分钟内已经上晒。我地隔离枱仲系日本人添，真系几正宗。<凯撒沙律>系好经典既罗马菜、番茄仔、面包脆脆、烟肉加芝士碎呢个配搭。配上凯撒沙律酱，够晒开胃。<五点刺身盛合> 有厚切油甘鱼、薄切三文鱼、带子、甜虾、三文鱼籽。摆得好靓，食落都够鲜。<鲑鱼溶岩寿司卷>呢个真系卖相几靓，系热食黎既，入面系熟既三文鱼，配左啲沙律酱同半溶芝士。真系好正，系饱肚既主食。<大海老天妇罗盛合>真系超大碟，有五条天妇罗虾。每条都超巨型，个炸皮唔算话好薄，但系入面啲虾都几鲜嫩。<炙烧珍宝鸡腿>真系几珍宝，好大份，而且个汁甜甜地，本身鸡腿肉就系嫩滑多汁，配啲沙律酱真系超美味。<九州和牛寿喜烧锅>和牛份量唔算多，有四块左右，都几嫩几有牛味。下面有啲菜有啲菇，个寿喜烧汤甜甜地好正，真系想追加个乌冬饮埋啲
<凯撒沙律>
系好经典既罗马菜、番茄仔、面包脆脆、烟肉加芝士碎呢个配搭。配上凯撒沙律酱，够晒开胃。
凯撒沙律
15 浏览
0 赞好
0 留言
<五点刺身盛合>
有厚切油甘鱼、薄切三文鱼、带子、甜虾、三文鱼籽。
五点刺身盛合
14 浏览
0 赞好
0 留言
<鲑鱼溶岩寿司卷>
呢个真系卖相几靓，系热食黎既，入面系熟既三文鱼，配左啲沙律酱同半溶芝士。
鲑鱼溶岩寿司
11 浏览
0 赞好
0 留言
<大海老天妇罗盛合>
真系超大碟，有五条天妇罗虾。
海老天妇罗盛合
9 浏览
0 赞好
0 留言
<炙烧珍宝鸡腿>
真系几珍宝，好大份，而且个汁甜甜地，本身鸡腿肉就系嫩滑多汁，配啲沙律酱真系超美味。
炙烧珍宝鸡腿
12 浏览
1 赞好
0 留言
<九州和牛寿喜烧锅>
和牛份量唔算多，有四块左右，都几嫩几有牛味。下面有啲菜有啲菇，个寿喜烧汤甜甜地好正，真系想追加个乌冬饮埋啲汤但系真系太饱喇。
九州和牛寿喜烧锅
13 浏览
0 赞好
0 留言
<饮品>
本身跟餐有饮品，我地拣左热柠茶同热蜂蜜生姜茶。好欣赏呢度就算热饮都系透明杯，影相都系咁靓哈。
<雨滴饼>
最后甜品都好正，系呢个透明蒟蒻配黄豆粉仲有蜜糖，系个冰凉爽口既美味甜品，味道唔会好甜。
雨滴饼
11 浏览
0 赞好
0 留言
今晚晚餐食得超饱超满足，和民原来晚餐都咁抵食，第日真系黎多啲喇！
张贴
