博派麵館 (已結業)

今日同朋友系荃湾试咗间叫”博派面馆”既餐厅！一去到门口就见到一个太约一米5高既”大黄蜂”figure，入到门口发觉装修都以电影”变形金刚”为主！餐枱上有”柯柏文”辣椒樽，墙壁画咗一幅太空船舱既背景，但肉眼很难睇得出，要用手机影出嚟睇！睇来面馆老板真系呢套电影既忠实fan！之后入重点我地就开始叫嘢食！我老婆钟意食辣，所以帮佢叫咗个”酸辣小㶽红薯粉”而我就叫个”烧安格斯牛肉牛舌汤米”另外佢都有好多精美小食拣，最后我地点咗凉拌鸡翼尖，手拍黄瓜，同蒜蓉烧金菇！首先嚟咗红薯粉，辣辣地，好惹味，佢个d红薯粉好有口感，同出边食个d唔一样，入面既猪大肠煮得好入味！之于我个安格斯汤米仲正，首先份量好多，男仔一定够食，而且佢既牛肉牛舌烧得啱啱好！食落口好juice，肉质又嫰！之于另外三个小食，鸡翼尖个酱汁好特别，酸酸甜甜，仲有少少辣！如果大家食得辣，可以试下佢地既辣椒油！不过温馨提示：真系好辣！落少少就够！千万不要贪心！之于佢地手拍黄瓜配上芝麻酱另有一番风味，非常特别，蒜蓉金菇就非常爽口，上面放咗少少葱，非常配合！佢地仲有个招牌菜叫脆炸珍珠奶茶，听个名就好想试！不过今日已食得好饱，唯有下次再去食！