大盛屋日本料理 (已結業)

今次同朋友黎开元朗，当然要系元朗揾野食啦，因为元朗出名好多小店美食，今次就黎到呢间大盛屋试下，因为好肚饿所以比佢铺名吸引左，同埋睇落价钱都唔贵。 三色饭d 刺身好肥美，三文色大大块，又够冰冻新鲜，睇下张相，就知系几咁大块，海胆都好正，鲜得黎一d 都唔腥，之后将d 三文鱼子捞埋饭一齐食，超好味既刺身饭。爱好三文鱼既我，当然又系叫左三文鱼既寿司同卷物，五重奏包括原味、黑松露、甜酸汁、柚子、火灸，寿司都够大旧，而块三文鱼本身都唔错，五款味道各有特式，我就比较喜欢黑松露，三文鱼加州卷上面有蟹子或三文鱼子，两者的鲜味和三文鱼互相辉映，口感同味道都十分丰富，最重要既。。又系大大旧，食完呢个都饱左截。 之后牛油果软壳蟹卷都唔错，软壳蟹够脆，而上面的牛油果加左沙律酱同蟹子，令到口感味道更加丰富而同时消除左软壳蟹的油腻感。 冷乌冬个样好得意，好似几个小雀巢咁，超级方便share, 乌冬十分幼细同滑，而且烟韧弹牙，配合冷面汁同蛋汁，味道清新而且口感丰富，值得encore, 铁板带子都十分不错，炒得十分香口充满牛油味，而且又不太油腻。整体来算，呢间餐厅绝对值得一试。