影片
更多
2023-04-30
965 浏览
好耐无去九龙湾揾食，上网见介绍Metro 豚骨Base 好似好正咁，于是就坐车去试吓。去到先知系一风堂crossover，谂住都未必太衰，同埋我老公想食，所以都无打退堂鼓。喺门口见到有食券机，谂住噤食券，点知部机超级lag，完全用唔到，店员咁啱招呼我哋入去坐，所以入咗去QR Code 落单。我老公叫咗碗厚牛舌拉面，加咗牛舌、葱、紫菜。我就叫咗碗三色叉烧饭，另外加咗黑松露饺子、炸蚝share。$85一碗拉面，超细碗，因为系老公食，当时我又无谂住写食评，所以无影相，我试咗一啖拉面同汤。酱油汤底，偏淡，又话豚骨Base⋯⋯面算弹牙，叫做唔差。牛舌同其他配料我无食，唔评价。黑松露饺子只饺子细过我只手指公，食落去完全无黑松露味，于是拆开饺子一睇，普通椰菜肉饺⋯？？？？？我成头黑人问号。跟住睇下佢个饺子汁，有啲黑色点点，唔系好多，跟住用筷子点咗啲汁放入口⋯有好轻嘅松露味，再睇返个电话，原来系黑松露汁饺子⋯比原味贵$8，买个咁嘅汁⋯多谢晒⋯炸蚝个皮有少少厚，相对里面粒蚝肉都算细。$22，值唔值得自己谂。等到我老公食哂，我个饭都未上，我追咗，佢话等多5分钟。跟住等多阵，另一个店员黎收我对筷子，我话我仲
喺门口见到有食券机，谂住噤食券，点知部机超级lag，完全用唔到，店员咁啱招呼我哋入去坐，所以入咗去QR Code 落单。
我老公叫咗碗厚牛舌拉面，加咗牛舌、葱、紫菜。我就叫咗碗三色叉烧饭，另外加咗黑松露饺子、炸蚝share。
$85一碗拉面，超细碗，因为系老公食，当时我又无谂住写食评，所以无影相，我试咗一啖拉面同汤。
酱油汤底，偏淡，又话豚骨Base⋯⋯
面算弹牙，叫做唔差。
牛舌同其他配料我无食，唔评价。
黑松露饺子只饺子细过我只手指公，食落去完全无黑松露味，于是拆开饺子一睇，普通椰菜肉饺⋯
？？？？？
我成头黑人问号。
跟住睇下佢个饺子汁，有啲黑色点点，唔系好多，跟住用筷子点咗啲汁放入口⋯
有好轻嘅松露味，再睇返个电话，原来系黑松露汁饺子⋯
比原味贵$8，买个咁嘅汁⋯
多谢晒⋯
炸蚝个皮有少少厚，相对里面粒蚝肉都算细。
$22，值唔值得自己谂。
等到我老公食哂，我个饭都未上，我追咗，佢话等多5分钟。
跟住等多阵，另一个店员黎收我对筷子，我话我仲未食呀😒
跟住佢即刻入厨房帮我拎碗饭出嚟。
黎到先系地狱嘅开始。
三色叉烧，每款叉烧两片，佢可以好一致咁做到三款都系鞋嘅。
鞋到𡁻到牙铰软😮💨
饭嘅汁唔系好多，但白饭好多，啲𩠌唔够送饭，于是我系咁食白饭。留返啲有汁嘅饭无𩠌嘅时候食😂
𡁻到一半顶唔顺，我决定影张相上黎写食评🙃
最后系，我无食哂啲叉烧，因为牙铰真系软，我食多咗右边半块就收咗手，出去外面揾食。😒
$68 食垃圾，真系对唔住自己个胃😒
以美心集团黎讲，呢几年啲日本过江龙都经营得好差。
当年新蒲岗啱啱开チカラめし嘅时候，我去食过一次，个烧牛肉饭仲差过吉野家，同日本嘅チカラめし根本无得比，连烧牛肉都讲唔上，美心只系买咗个招牌返黎，其他嘢根本无买到。
除咗一个差字，我都只可以送多个差字比佢。
奉劝大家，如果唔想比钱买难受，真系唔好去。
张贴
