影片
更多
2023-04-04
651 浏览
5：17pm 买左个杨洲炒饭外卖，等左十分钟都未有店员嗌外卖，我就入去准备问收银，入到去未问已经见到放左系架外卖车到(乜而家外卖唔嗌number叫人拎架？)返到屋企隔住个盖都见到有几团白色既饭炒唔散，都系小问题，开左盖，望落去似菜炒饭多过似杨洲炒饭，虾个份量叫过得去，但叉烧真系少得太离谱。即刻打去问佢拎wtsapp直接send相比佢睇，点知原来打错比另一间葵芳分店(店B)，咁我就麻烦佢地转达返个投诉比呢间分店，并要求佢地6：30pm前比返个答覆我(因为我已经超肚饿)，店B个经理6：30pm覆返我，我觉得呢个经理非常有承担，话系出品问题，而家重新做过份外卖送黎比我，咁我都觉得冇问题，了左件事。到7：21pm收到呢间舖既职员打电话黎，店员话：我地下午茶既份量就系咁，仲要有八折，份量想要几多？我：我系正价买店员：咩正价买，我地六点外卖系八折架，要唔要我print 返张单出黎比你睇？我：我系5：17pm 买，你地系六点先做八折架。店员：咁我地下午茶既份量就系咁多架啦。我：咁咪就系少得过份啰，下午茶收$52等于好多出面茶记既价。店员：咁你下次咪唔好嗌呢个餐啰！佢讲到咁，认为我仲有下次帮衬佢既机会
返到屋企隔住个盖都见到有几团白色既饭炒唔散，都系小问题，开左盖，望落去似菜炒饭多过似杨洲炒饭，虾个份量叫过得去，但叉烧真系少得太离谱。即刻打去问佢拎wtsapp直接send相比佢睇，点知原来打错比另一间葵芳分店(店B)，咁我就麻烦佢地转达返个投诉比呢间分店，并要求佢地6：30pm前比返个答覆我(因为我已经超肚饿)，店B个经理6：30pm覆返我，我觉得呢个经理非常有承担，话系出品问题，而家重新做过份外卖送黎比我，咁我都觉得冇问题，了左件事。
到7：21pm收到呢间舖既职员打电话黎，店员话：我地下午茶既份量就系咁，仲要有八折，份量想要几多？
我：我系正价买
店员：咩正价买，我地六点外卖系八折架，要唔要我print 返张单出黎比你睇？
我：我系5：17pm 买，你地系六点先做八折架。
店员：咁我地下午茶既份量就系咁多架啦。
我：咁咪就系少得过份啰，下午茶收$52等于好多出面茶记既价。
店员：咁你下次咪唔好嗌呢个餐啰！
佢讲到咁，认为我仲有下次帮衬佢既机会？
我嬲到都冇问佢点称呼添。
如果佢好声好气解释，我都可以理解，最多我真系选择下次嗌第个餐，但佢一打黎就系一个质问我既态度，未搞清楚我有冇折就嘈，我就唔会接受！
张贴
