東喜茶 (已結業)

前排去咗屯门行街，谂谂下都好耐无去过华都商场。经过呢间东喜茶，好快比佢店铺摆设吸引咗，一场嚟到，就决定买杯饮品试吓。冻芝士金凤茶王 $22呢个价钱而言，饮品份量其实偏少，大概只有一只手掌咁大。茶底味道偏淡，饮落几清新，但未至于好浓郁。值得一赞嘅系顶层芝士奶盖好厚身，更撒上点点抹茶粉作点缀。质感浓稠，芝士咸香都算几突出。整体嚟讲，性价比唔算好高。不过本身系谂住支持吓，印象中店铺仲贴咗唔同地区嘅宣传海报，好靓又好有心思，有兴趣嘅朋友都可以去帮衬吓。