Dodam Chicken (1亞太中心) (已結業)

今日放工约咗friend喺观塘食饭，就近近哋喺APM附近嘅Dodam Chicken食。佢喺亚太中心嘅3楼，好方便㗎。依家喺OpenRice book仲可以有75折添。话明韩国嘢，梗系要食炸鸡啦，所以我哋拣咗黄金咸蛋脆鸡。有得拣半只真系好，可以试多啲唔同嘢食。Total会有大概6块鸡。可能系因为即叫即整，所以都要等一段时间。味道方面，真系有金莎味嘅，都值得一试㗎。如果我哋仲有叫到韩式海鲜煎饼。劲大碟!!! 佢系属于比较厚𠮶啲，所以中间𠮶几块会有少少湿。另外我哋仲叫咗 韩式鱼片汤。因为我哋真系好钟意好钟意食韩国嘅鱼糕，所以就决定试吓佢。个汤会有啲鼓油味，都好好饮。入面仲有好多旧鱼片，唔同嘅鱼蛋。甜品方面，餐厅有个area系俾我哋自己整啲甜品。我见有waffle机添，可惜嘢食嘅份量实在太大，完全冇位。