韓閣

营业中

休息中

今日带埋阿女去黄大仙同朋友食饭，见到呢间韩国餐厅食物选择几多，所以就入左去食。朋友唔太肚饿，加上有个细路，所以主要都系食轻食入主，点知黎到都系大大份，真系估佢唔到😂首先要推介的是紫菜肉松蛋卷，睇图都见到份量几多。蛋卷做到少少流心😍，唔会煮到好老，作为前菜黎讲，佢又甜甜地，几开胃，又大大旧，几对得住个价钱。之后另一样系软壳蟹牛油果三文治，D料劲多，但系完全无从入手，唔知边度食好😝最后我地决定先SHARE左只软壳蟹先食个包，只蟹无炸到好硬，仲系淋淋地有肉汁，而且仲有膏😱！好正😱！而个包就脆的，连埋软身牛油果一齐食几夹。最后我地当然要食返个甜品埋尾啦，而我地要等左一般时间先上枱，建议可以想食之前半个钟叫定。一问之下，原来等得耐系因为个格仔饼要即刻烘，食落去真系有分别唔系冻冰冰！格仔饼咸咸地，一定要连埋雪糕一齐食，咸咸甜甜咁就好夹啦😊。PS: 最后真系特别赞一赞员工几NICE，见到我带埋阿女，都主动帮我抹多一次张枱(张枱本身已经好干净)，呢样真系好窝心❤️。