影片
更多
2008-08-15
28 浏览
八月八日, 星期五, 同班同事嚟咗食午饭, 今次冇带相机, 所以冇得影相...记得好耐以前食过青衣果间几得, 所以谂住嚟试吓佢既 set lunch, 点知...呢度望落去个装修几靓几特别, 但感觉唔太好... 我哋坐底亦觉得唔多妥, 六个人畀张四人圆台我哋, 好迫㖞! 又唔系冇位, 仲有劲多位㖞.....我哋要求转长台, 不过又到啲座位唔多舒服, 但唔转位啦!之后谂完一大餐, 最后决定叫四个饭餐一齐食,即系一个𩠌跟一碗饭同一小碟前菜, $42 - $45 左右,有虾仁炒蛋、咕噜肉、葱炒牛肉片、素菜豆腐及汁煮杂菇,其中咕噜肉叫咗两份, 因为呢个套餐得五个菜拣, 另外仲有啲面餐同泡饭餐既。一嚟到, 真系吓到我哋出唔到声, 啲𩠌细碗到以为系小食啰!!! 连两个素菜都唔例外, 份量劲少, 就算系女仕都唔够食果只!!本来唔够食到想加𩠌, 但谂过都唔抵, 又贵又怕佢份量劲少, 所以冇再叫嘢食, 我哋成班直头一路食一路谂定叫咩下午茶啦! 至于啲𩠌既味道一般, 冇乜特别。另外果杯跟餐既四宝茶又系离晒谱! 啲茶唔够热, 焗唔够茶香味之余, 啲茶本身亦好差, 涩既?!! 我饮咗两啖都唔想再饮落去!虽
记得好耐以前食过青衣果间几得, 所以谂住嚟试吓佢既 set lunch, 点知...
呢度望落去个装修几靓几特别, 但感觉唔太好...
我哋坐底亦觉得唔多妥, 六个人畀张四人圆台我哋, 好迫㖞! 又唔系冇位, 仲有劲多位㖞.....
我哋要求转长台, 不过又到啲座位唔多舒服, 但唔转位啦!
之后谂完一大餐, 最后决定叫四个饭餐一齐食,
即系一个𩠌跟一碗饭同一小碟前菜, $42 - $45 左右,
有虾仁炒蛋、咕噜肉、葱炒牛肉片、素菜豆腐及汁煮杂菇,
其中咕噜肉叫咗两份, 因为呢个套餐得五个菜拣, 另外仲有啲面餐同泡饭餐既。
一嚟到, 真系吓到我哋出唔到声, 啲𩠌细碗到以为系小食啰!!!
连两个素菜都唔例外, 份量劲少, 就算系女仕都唔够食果只!!
本来唔够食到想加𩠌, 但谂过都唔抵, 又贵又怕佢份量劲少, 所以冇再叫嘢食,
我哋成班直头一路食一路谂定叫咩下午茶啦!
至于啲𩠌既味道一般, 冇乜特别。
另外果杯跟餐既四宝茶又系离晒谱! 啲茶唔够热, 焗唔够茶香味之余,
啲茶本身亦好差, 涩既?!! 我饮咗两啖都唔想再饮落去!
虽然话呢间系「面馆」, 可能啲面好食, 但既然出得噃餐, 唔该唔好咁差吖!
仲要一个餐收我哋四十几蚊再加一, 呢间嘢真系以后都唔会再帮衬!!
更详细资料请看 : http://hk.myblog.yahoo.com/joycewai616/article?mid=10013
张贴