古早牛肉麵 (已結業)

餐厅装修别出心裁，好多特色画、灯箱，水泥怀旧风，就好似入去台湾小店咁。晚市7点，不论堂食或外卖，都好多客人。提供多个2人座位，侍应冇限你坐边，拣位好free，亦有礼。餐牌上提供多款台式小食，饮品都有一整页，自己tick好俾侍应就得，胶餐牌可重用，环保又唔怕落错单。酥炸大猪扒肉燥便当($60)，肉燥唔会太咸，送饭一流，饭量多到饱肚。猪扒超大块，外层酥脆，肉厚唔干，亦冇甩皮状况。卤水大肠面线($32)，大肠卤得入味，面线羹稠杰，有阵阵麻油香味。起司蛋手抓卷饼($38)，卷饼酥酥得黎软，包得够实，配料唔会散开到周围都系，但卷饼易咬。芝士、蛋组合一定冇错，仲有大量椰菜，清爽解腻，卷得仲好靓，见到每一层。台式小香肠($30)，肉汁juicy，好香口，逼哂d油花出黎。一碟4条唔够喉，因为好食到停唔到口，好挂住台湾。伴碟仲有腌萝卜添。招牌珍珠奶茶，主食配一杯饮品可减$10，茶底香，珍珠烟韧量多。而芭乐芦荟多多($25)，芦荟粒多，多多消暑，仲有多款口味添。整体，值得赞系，唔需要等好耐，就可以食到热辣辣既食物。而且每碟既份量都好足料，价钱唔贵亦冇加一，抵食。