馬六 (已結業)

今晚一个人去完新蒲岗上楼铺买完野，起行返去左钻石山地铁站经采颐花园时见到呢间马六食新加坡菜餐厅，见到佢有个新加坡孖宝set - 肉骨茶+海南鸡，于是就入去试下可能都差唔多9:00pm, 餐厅都无乜人。但坐低点餐后，都等左大约10分钟先上菜，我估佢系即叫即做。首先讲下个海南鸡🐔，海南鸡肉质唔算好嫩滑，但都算ok好味，份量亦好足。（海南鸡黎讲，water door会比呢间好食一级）而肉骨茶就比个海南鸡出色啦～肉骨茶旧肉炆得好淋，个汤又够浓味，食食下都变左肉骨茶汤饭，系正嘅！😋埋单＄88无加一，我觉得呢个价同一时间食到呢两样新加坡菜而有呢个质素系抵嘅。不过如果个餐连一杯饮品会更好啦😅最后要比个credit比佢地嘅waiter. 服务态度同语气都好好。其实呢间餐厅重有好多其他食物睇相都好吸引，下次行开黎都会想试下。