漁民樂 (已易手) 新餐厅

最近网上出现咗「渔民乐」、「前家乐」2间舖既名，贪新鲜既人点都会试吓佢有咩咁特别。汤底有鱼汤同蕃茄鱼汤2款免费选择，喇沙就要另外加钱。午餐入面其中一样就系呢个墨鱼饼肥牛翠肉瓜米线，拣咗蕃茄鱼汤。一饮汤，鱼汤味ok浓，未到屋企靓汤既程度但至少有一半，不过蕃茄味就太淡。配料方面，翠肉瓜大量、墨鱼饼系酒楼春卷size有2-3块、肥牛2-3片，多菜少肉尚算健康，但未必啱食肉兽。最大败笔系米线份量太少，只有谭仔份量一半，细食女仔应该够，但食量再大少少都未必够饱。米线会越食越酸，真系「等到蕃茄汤味番番嚟鱼汤味又唔争气」，好似系蕃茄汤同鱼汤分开煲，你叫就每样比啲你咁。饮品方面叫咗华田，淡到系有少少味既水。