泰嘟嘟

营业中

休息中

约左表妹食饭，佢想去大角咀食，难得佢揾左几间餐厅俾我拣，我见近排无食过泰国嘢，我就拣左呢间泰嘟嘟。去到见到有个2人餐都几抵$298分，拣嘅食物都几ok,咁就决拣呢个餐啦。A我哋拣左招牌焗黄咖喱面包软壳蟹正常发挥，不过无乜辣味，面包都有焗到脆口B可以拣2款就拣左串烧同月亮虾饼月亮饼份量岀乎意料咁大，虾饼皮用左类似春卷皮去包，十分香脆，好味串烧就分别系3串猪3串鸡，猪串烧肥瘦适中，肉软淋淋，相对鸡串烧就偏硬。饮品表妹就叫左芒果沙冰(半价），我就叫左椰青（正价）芒果沙冰，比一般餐厅嘅沙冰细杯，因为叫开沙冰都大大杯，呢方面就逊色左。椰青正常，不过开口，开得唔够大，食唔到入面啲肉。食物都算中上，不过服务就有啲问题。首先，已经叫2人餐，但不停叫我哋拣食物要叫No.，都唔紧要，但同佢讲No.佢又好似唔知个No.代表乜食物，喺到谂个No.代表咩，咁咪讲完No.再提下讲食物名，但佢又劲强调要讲No.！如果你只接收到No.咁一系一讲No.你就落到单😑第二我拣椰青原来无半价，可能我睇漏左，但落单𠮶阵时提一提客人会好啲。总结呢间都可以一试，月饼饼系推介，不过餐厅都算细，想试就最好先book位。