影片
更多
2018-01-24
313 浏览
喺太子地铁站附近上完瑜伽堂，顺便喺周围揾食，地铁站出口近太子道果头有2间食过唔错，其中有1间家庭式小菜好好味，不过今次想试下唔同既野，喺同一条街揾到呢度有上海家庭式菜馆，入面得2张中型圆台及几张4人台，店面细细，有老店既感觉，不过圆台都大概够坐7-8个人，晚餐时段去都保持有食客！入面既餐牌大大张贴喺墙上，有合埋眼都知道既小笼包、鳝糊、炒年糕、回锅肉、酸辣汤等等，呢度仲有真系正统上海菜馆酒楼先有既雪菜毛豆百页，家乡熏鱼，樟茶鸭，冬笋雪菜黄鱼呢D又怀旧又考技巧时间既菜式，国内会叫呢D系上海本帮菜。另外见到砂锅类有一个叫做砂锅腌笃鲜，呢个本身唔识系咩黎，原来系冬笋、百页结配合猪腩肉，加上金华火腿及老火鸡汤熬煮而成既汤品，应该系咸香之余更有鲜甜味！难得有家庭式小馆肯做呢D𩠌，以后都可以喺香港食到！女服务员非常友善，应该系太子女，推介左清炒草头比我地，话每年秋冬季节先有得食，3月后就无喇，仲专登从上海运过黎新鲜供应，的确我喺一般上海小馆甚至连锁上海餐厅都未见过未食过，黎到香气扑鼻，食落味道似豆苗，口感又同豆苗唔同，感觉多D菜叶，的确独特值得一食！我到而家隔住萤幕都回味紧呢个味道！最紧要既系呢个清
入面既餐牌大大张贴喺墙上，有合埋眼都知道既小笼包、鳝糊、炒年糕、回锅肉、酸辣汤等等，呢度仲有真系正统上海菜馆酒楼先有既雪菜毛豆百页，家乡熏鱼，樟茶鸭，冬笋雪菜黄鱼呢D又怀旧又考技巧时间既菜式，国内会叫呢D系上海本帮菜。另外见到砂锅类有一个叫做砂锅腌笃鲜，呢个本身唔识系咩黎，原来系冬笋、百页结配合猪腩肉，加上金华火腿及老火鸡汤熬煮而成既汤品，应该系咸香之余更有鲜甜味！难得有家庭式小馆肯做呢D𩠌，以后都可以喺香港食到！
女服务员非常友善，应该系太子女，推介左清炒草头比我地，话每年秋冬季节先有得食，3月后就无喇，仲专登从上海运过黎新鲜供应，的确我喺一般上海小馆甚至连锁上海餐厅都未见过未食过，黎到香气扑鼻，食落味道似豆苗，口感又同豆苗唔同，感觉多D菜叶，的确独特值得一食！我到而家隔住萤幕都回味紧呢个味道！最紧要既系呢个清炒草头用好少油同调味料，只简单轻轻落盐，就带出佢既独有原本香味出黎！👍🏻
清炒草头（季节性）
$68
71 浏览
0 赞好
0 留言
跟住有小笼包一笼5粒，都系$35，啱啱蒸起好热，差D辣亲嘴～呢个小笼包涨卜卜，外皮自己手搓有弹性又唔厚，里面既肉都几Juicy! 跟醋食最好！如果成粒食就有困难喇！都饱满架！
人地突然想饮酸辣汤，不过见menu一份系一窝就胆粗粗问下有无细少少既份量可以叫，点知佢话隔离大台叫左，可以一齐整埋细份既比我地！真系好好呀！睇到呢度家庭式经营果然唔同，感受到由心去做又和蔼尽心对客人，仲要酸辣汤几足料味道又够，唔会太酸，份量几好够我地2个人一人一碗再多DD，里面既笋丝好爽口，浓度啱啱好～
不例外地，呢度当然有韮王炒鳝糊，不过我地改左银芽炒鳝糊，同样价钱，呢度既鳝糊唔系真系糊，系一条条幼丝，咬落食得出肉质结实，唔系一Pat 杰既茨配上鳝糊碎，银芽亦炒得十分有镬气，送饭一流！
我地转食多一个小菜代替面食去试呢度既小菜，呢碟系黑醋鱼块，咪睇佢咁大件以为系空气！鱼块上粉十分薄身，唔会干，炸浆炸得够薄够透，火候亦控制得宜令里面既鱼块依然嫩滑，最妙之处系佢既薄炸浆仲保持薄脆之余有醋既酸甜味，而家又即刻回味呢道𩠌既鱼块炸得几好味😋想像下咬落去外层外脆内软仲酸酸甜甜，唔会劲厚粉！超级开胃搞到忍唔住又叫多一碗菜饭！
黑醋鱼块
$88
23 浏览
0 赞好
0 留言
顺带一提，菜饭非常抵食，只系$10一碗，第一碗用黎送鳝糊，饭粒分明带少少菜爆过既香，第二碗就有少少失色了，香气同饭粒同第一碗有唔同～不过其他野好食就唔紧要啦！每样野都够大份好够食！尤其果2碟小菜真系爬到好多饭！
开饭途中见到有熟客订位入座，有食客们熟架步似乎都系回头客，眼见两老夫妻喺厨房出出入入不时望下台有无食物未黎齐，太子女就耐心地落单set台，除左正宗味道之外仲多左一份温馨！估唔到咁传统上海菜馆就呢度就揾到，价格份量食物都好过果D连锁店！
张贴
