影片
更多
2021-08-20
427 浏览
平时如果要去cafe，多数都系九龙为主，一直都好少喺港岛揾，因为选择唔多，今次终于揾到一间喺湾仔区，食物质素可以、价钱合理、更甚新环境非常靓、好适合打卡嘅一间Cafe。呢间餐厅系一间湾仔春园街既人气Cafe，以黑白为主题，有唔少嘅打卡位，有唔少人特登慕名而来，喺网上可以见到连Elva都嚟过，bookmark咗好耐嘅我今次终于有机会嚟到。餐厅个入口如果喺庄士敦道行入去会有啲难揾，因为个入口完全系背向条街，但系庄士敦道行入去春园街，向上望就会见到餐厅，因为会特别见到一间白黑色嘅餐厅，而且有露台，入口喺眼镜舖隔离，都系廉记冰室隔离，见到连门口都系白色嘅入口，你就知冇入错。门口已经好似有个童话故事，黑白线条都系人手绘画，同春园街形成强烈嘅对比，上楼梯两边既墙都系黑白壁画，就好似入咗一个秘密花园。走上一层之后，成个以黑白为主既餐厅设计便入眼帘，餐厅入边的壁画、墙壁、柜台同门口一样，都系由一班大学生手绘，远睇好似贴纸痴上去咁，好似入咗漫画世界咁，2D既画滑到好似3D咁，每一个角落都系打卡位，装潢简约黎得带点梦幻，令人好佩服店主咁有心思设计。细心留意墙身嘅画每一幅都唔同，美感十足，另外如果大家想去洗
呢间餐厅系一间湾仔春园街既人气Cafe，以黑白为主题，有唔少嘅打卡位，有唔少人特登慕名而来，喺网上可以见到连Elva都嚟过，bookmark咗好耐嘅我今次终于有机会嚟到。
餐厅个入口如果喺庄士敦道行入去会有啲难揾，因为个入口完全系背向条街，但系庄士敦道行入去春园街，向上望就会见到餐厅，因为会特别见到一间白黑色嘅餐厅，而且有露台，入口喺眼镜舖隔离，都系廉记冰室隔离，见到连门口都系白色嘅入口，你就知冇入错。
门口已经好似有个童话故事，黑白线条都系人手绘画，同春园街形成强烈嘅对比，上楼梯两边既墙都系黑白壁画，就好似入咗一个秘密花园。
走上一层之后，成个以黑白为主既餐厅设计便入眼帘，餐厅入边的壁画、墙壁、柜台同门口一样，都系由一班大学生手绘，远睇好似贴纸痴上去咁，好似入咗漫画世界咁，2D既画滑到好似3D咁，每一个角落都系打卡位，装潢简约黎得带点梦幻，令人好佩服店主咁有心思设计。细心留意墙身嘅画每一幅都唔同，美感十足，
粉碟花之丘
$88
24 浏览
1 赞好
0 留言
另外如果大家想去洗手间，不妨系呢一对壁画入边揾，因为非常低调，唔细心留意壁画嘅图案系揾唔到。
楼梯上到黎见到嘅梳妆台，绝对系为少女打卡而设。
家私、餐具都系精心挑选过，都系以白色、米色为主，每一个角落都系别出心裁既摆设同设计，
另外佢哋嘅餐垫会特别用一张黑色、一张白色做对比，唔同嘢食摆上去都会有唔同效果，好有视觉效果。
入面面积好大，睇唔到尽头，由门口行到去餐厅最尽头，可能30秒都唔够，座位好多，座位都坐得舒服。虽然餐厅系白色为主，白色通常都会比较易污糟，但睇落餐厅系几干净。餐厅会播住纯音乐，当晚我听到嘅系宫崎骏嘅音乐，边食边听住好舒服。虽然系夜晚八点嚟到餐厅，但其实人数唔算多，唔知系因为餐厅太大定点，所以餐厅系一啲都唔嘈，环境几清静，啱哂同朋友坐低慢慢倾计。即使隔离系人来人往既春园街， 但系上到黎完全感觉唔到楼下既吵闹，与世隔绝咁，令人都放慢平时急速既步伐。
花见
$78
4 浏览
1 赞好
0 留言
环境固然系高分，当然都要睇吓食物质素，睇过餐牌，餐厅主打下午茶同埋fusion西餐，选择都几多，因为我系夜晚去所以有个dinner 主菜，净系夜晚都已经有18个餐可以拣，有意粉、海鲜、韩式年糕、饭团、汉堡、鱼柳、猪肋骨、肉眼扒，当中嘅虎虾海鲜冬阴功韩式年糕绝对系fusion菜之一。
所有主菜加钱可以加配餐汤、沙律同咖啡或茶。
另外除咗主食，仲有单点嘅Menu，好似有沙律、餐汤、小食、薄饼同重点既甜品同饮品，岩哂唔同人嘅口味。
-
1️⃣ 粉碟花之丘 💰88（👅: 8/10）
ULURU Rose Tea
$52
7 浏览
1 赞好
0 留言
甜品卖相非常有惊喜，好似一个盆栽咁，泥上面有玫瑰，上面有可食用花瓣做点缀，同几粒苺做伴碟。
其实系brownie、朱古力mousse同朱古力Crumble既组合，好似泥土既crumbles，食落好似曲奇碎，而brownie朱古力mousse收埋在系堆泥入面，咬落顺滑，食落就好似浓缩既朱古力酱。
最后就系甜品最靓既一部分，系红粉蓝渐变色既透明拉糖组成，拉到呢个色同形状绝对要技巧，因为系手拉次次都唔同样，某啲部分会比较脆弱，可能敲碎黎食，其他就要就咁咬，食落系普通既硬糖，同朱古力一齐食会更好。
甜品份量其实唔多，几啖就食晒，如果作为甜品未必够饱，比起攞嚟食打卡更适合，系好有心思制作出黎既甜品，视觉比起味觉更加有冲击。
-
2️⃣ 花见 💰78（👅: 7.5/10）
Lavender Dream
$52
12 浏览
1 赞好
0 留言
甜品卖相同样精致，打卡一流，系一个玫瑰啫喱加芝士蛋糕，周围有玫瑰花碎同木糠包围住，卖相都精致，不过比起粉碟花之丘无咁梦幻。
上层系玫瑰啫喱，啫喱入面有玫瑰花瓣，玫瑰花味唔算重，但香味就重，啫喱似食紧大菜糕，味道唔太有，连埋下层食会更好。
下层系芝士慕丝，而且有柠檬味，食落酸酸甜甜几开胃，连埋周围嘅木糠饼碎食，口感丰富，唔会太甜太腻。
-
3️⃣ ULURU Rose Tea 💰52（👅: 8.5/10）
呢杯玫瑰茶系招牌之一，用左花瓣同食用色素作为装饰，卖相精美绝伦，成杯艺术品，咁比起Lavender Dream更胜一筹。店员有提醒饮个时要小心，因为杯出面都有红色色素同玫瑰花瓣碎花既装饰，摸到只手会污糟。
饮落玫瑰花香好浓，玫瑰味几清新，唔会过于浓烈，加上士多啤梨既甜味酸味，几开胃，带有少少迷迭香既味道，好易入口，饮落唔算太甜，甜度适中，花香完全可以中和到甜品既腻感，唇齿留香。
饮品非常之大杯，饮哂都饱左一半，非常有心思整到杯野饮又睇得又饮得，比起甜品更出色。
-
4️⃣ Lavender Dream 💰52（👅: 8/10）
呢杯伋一杯荔枝果茶，杯口上面挂左一粒荔枝，荔枝食清甜可口，同rose tea一样，杯出面喷上紫色色素，卖相吸引。
荔枝果茶饮落荔枝茶味重，唔算好甜，带小小薰衣草香气，清新可口，消腻一流，唔会觉得系好假既甜味。上面有啲薰衣草花瓣，令颜色鲜艳唔小，提香为主，但唔建议饮，因为花瓣既薰衣草超重，唔系个个都接受到，荔枝果茶比较常见，我个人更钟意rose tea。
-
🌟 环境黎讲绝对系高分，首先地方够大，环境舒适阔落，以香港CAFE嚟讲系好小见，打卡位同样多，唔会话比人坐左边个位就无得打卡，绝对可以边食边影相。餐厅设计绝对系独一无二，主题鲜明，好有特色，绝对可以CHILL足一个下午，如果你系好钟意打卡既人，绝对好适合你。
以下午茶价钱黎讲唔算贵，甜品方面系正常CAFE价钱，而其他野食同主食价钱合理。食物质素正常，甜品卖相精致，睇得又食得，主食份量大份够食饱，不过甜品可能要等耐小小，如果系赶时间既你可以唔太适合，但谂住慢慢坐系咁影相就岩哂。
店员服务态度非常好，因为我想影靓啲相要求转位，店员都好乐意安排，而且系食完个时，店员都话可以随便影相，而且会主动介绍边个位影相靓，钟意影相既你绝对会钟意呢度。最重要系呢间CAFE系年轻人开嘅良心小店，值得支持一去再去。
-
👅味道: 8/10
🍴环境: 9/10
💰消费: $270 (服务费: 10%)
张贴
