博多拉麵別天神 (已結業)

店舖细细。门口有一部机自助买野食。如果只有现金可以同店员讲借张八达通。买完就俾飞师傅。店内只有十零个bar枱位。咁岩坐正喺部冷气机下面。结果滴水滴左落个背脊度。卫生一般。枱面有小蚂蚁走过。点左虾味噌豚骨汤面。选用博多特色嘅幼拉面。个人而言煮得偏硬。挂汤尚可。汤底用高压煲烹制。写明冇落其他野系纯豚骨汤。饮落唔会浓到起胶。又唔多觉有味噌味。虾味主要用面面类似虾皮嘅野带出。味道唔太出。葱切得唔算幼细。有一片紫菜同罐头粟米。叉烧有两块。比一般叉烧厚身。有大约5mm厚。味道适中。肥膏位爽口。有水同茶供应。不过做唔到日本拉面店咁。keep唔到冰。应该放左一段时间。