龍廷粵菜廳

营业中

休息中

朋友住荃湾call 晚饭，四个大人带个BB，有家室要实际又睇住荷包嘅先决条件之下大家就拣食小菜，拣去龙廷食嘅原因除咗上述要求外仲有就系大家之前食过数次，味道都唔差。是晚 Order 咗杏汁菜胆猪肺汤烧鹅半只蒜蓉豆苗生炒糯米饭虽然饮落唔觉有杏汁，不过净系洗猪肺同炖汤嘅时间同洗肺功夫都响返到，就算汤渣同样清淡好味，4个大人每个都有两碗多。烧鹅热辣辣，皮香肉嫩，肉汁香浓，食咁多次都可以保持水准。蒜蓉豆苗，份量满载上枱又保留翠绿青嫩，绝对镬气满分。生炒糯米饭嘅腊肠无切粒，大大旧返而有落足料感觉。酒楼位处街市傍边，因为位置原因酒家明显走大众化路线，周边多台亦见系附近街坊为主，埋单计返每人百三蚊左右，份量足又几好味。完全系一个光鲜企理街坊饭堂格局。