影片
更多
2017-08-28
248 浏览
行街行开旺角，识饮识食嘅都知，旺角系几夜都有野食之外，食物种类都系最多元化同集中嘅，今次同朋友食左呢间喺豉油街嘅旺囍车仔面啦！之前完全冇留意到有间车仔面，原来都算系新开冇耐，值得一赞嘅就系佢成功改善左传统车仔面点菜「浪费纸张」嘅问题，佢地系用胶板填写你钟意嘅𩠌，真系好环保！其实一早就应该系咁啦！晚市劲好生意，我地都要等左一阵先有位。如果你钟意辣辣地，一定要拣麻辣汁，唔好拣秘制辣汁，咁就食得过瘾啦！因为朋友拣嘅辣汁，即使拣左中辣，都唔系好够辣。反而我拣嘅麻辣汁味道好突出。最后我地一人点左一碗面，叫左碟油菜，两杯饮品。食材方面，选择超多，我点嘅猪大肠同陈皮鱼旦都好入味鱿鱼爽口弹弹下；木耳同墨鱼丸都同一般车仔档一样，中规中矩啦。我呢碗点左劲多𩠌，冇记错有成5款，仲拣左好爽口嘅蕃薯粉添，大概60零蚊，老老实实，车仔黎计，都唔算平，不过几好食。朋友点嘅系鸡翼、鱼片头、芝士丸幼面，因为三𩠌，只系40蚊，即刻觉得自己好大食鸡翼有三只，都忟得几腍身；鱼片头都几弹牙；只系芝士丸比较一般，粉感重。至于饮品就拣左冻豆浆($8)、冻柠茶($9)，正正常常啦，但豆浆应该几受欢迎，因为店员话我呢杯系最后一杯，哈哈
之前完全冇留意到有间车仔面，原来都算系新开冇耐，值得一赞嘅就系佢成功改善左传统车仔面点菜「浪费纸张」嘅问题，佢地系用胶板填写你钟意嘅𩠌，真系好环保！其实一早就应该系咁啦！晚市劲好生意，我地都要等左一阵先有位。
如果你钟意辣辣地，一定要拣麻辣汁，唔好拣秘制辣汁，咁就食得过瘾啦！因为朋友拣嘅辣汁，即使拣左中辣，都唔系好够辣。反而我拣嘅麻辣汁味道好突出。最后我地一人点左一碗面，叫左碟油菜，两杯饮品。
食材方面，选择超多，我点嘅猪大肠同陈皮鱼旦都好入味鱿鱼爽口弹弹下；木耳同墨鱼丸都同一般车仔档一样，中规中矩啦。我呢碗点左劲多𩠌，冇记错有成5款，仲拣左好爽口嘅蕃薯粉添，大概60零蚊，老老实实，车仔黎计，都唔算平，不过几好食。
朋友点嘅系鸡翼、鱼片头、芝士丸幼面，因为三𩠌，只系40蚊，即刻觉得自己好大食鸡翼有三只，都忟得几腍身；鱼片头都几弹牙；只系芝士丸比较一般，粉感重。至于饮品就拣左冻豆浆($8)、冻柠茶($9)，正正常常啦，但豆浆应该几受欢迎，因为店员话我呢杯系最后一杯，哈哈。
腐乳通菜：因为少食屋企饭，我地都点左个菜食下，15蚊，份量适中，菜叶嫩腍。
总计和朋友二人饱肚价$145，不过对面台两个都$60/70蚊架啦，如果唔似我咁大食，点唔多其实都可以试下
车仔面店黎讲，环境都好干净企理，虽然好繁忙，但店员都好有礼。
张贴
