影片
更多
2015-05-01
1530 浏览
复活节一家人去乐园玩，人山人海，样样都要预一小时等，乐园里面呢间餐厅叫做最好味！一早去攞位！门口拥住一大班等位嘅人！唯有派一个代表等！其他人去玩！差不多有位先集合！4大3小坐一张长枱！普通西餐厅，灯光昏暗（可能怕吓亲企鹅）叫埋肥髀去睇企鹅！呢度嘅菜色有大小份量！我哋贵精不贵多，叫四样食物，食物极速到齐（落单后15分钟到齐）冰极特色杂扒（大）：餐牌系牛、猪、鸡、鳕鱼，不过店员话无鳕鱼，改了三文鱼，上枱我每款食一块，牛肉最好，做到5成熟，又唔韧，重牛味，好味，三文鱼熟食本来一般，因为会嚡，但惊喜系竟然做到好滑，刚刚熟，配香草忌廉好味，鸡肉都滑，猪扒就比较硬！一般！反而拌碟嘅蔬菜好好味，唔系灼熟就算，系炒过嘅，好味！夏威夷pizza(大）好简单材料嘅比萨，又做得好味，批底系薄又脆，芝士半溶，拉到出丝，菠萝酸甜，火腿咸香，好味！火箭菜卡邦尼带子意大利面（大）幼面本来比较挂汁，但就会较软身，无咬口，我就一般，厚肉带子煎过香口，入面淋身，唔腥！火箭菜唔多兼煮过，唔系生食，无咗苦味几好味！不过忌廉汁较淡！小食拼盘：最失望系呢个，三种食物（鸡翼、洋葱圈、芝士薯条）只有鸡翼香滑多汁，芝士薯条好干，硬到石
叫埋肥髀去睇企鹅！呢度嘅菜色有大小份量！我哋贵精不贵多，叫四样食物，食物极速到齐（落单后15分钟到齐）
冰极特色杂扒（大）：餐牌系牛、猪、鸡、鳕鱼，不过店员话无鳕鱼，改了三文鱼，上枱我每款食一块，牛肉最好，做到5成熟，又唔韧，重牛味，好味，三文鱼熟食本来一般，因为会嚡，但惊喜系竟然做到好滑，刚刚熟，配香草忌廉好味，鸡肉都滑，猪扒就比较硬！一般！反而拌碟嘅蔬菜好好味，唔系灼熟就算，系炒过嘅，好味！
夏威夷pizza(大）好简单材料嘅比萨，又做得好味，批底系薄又脆，芝士半溶，拉到出丝，菠萝酸甜，火腿咸香，好味！
火箭菜卡邦尼带子意大利面（大）幼面本来比较挂汁，但就会较软身，无咬口，我就一般，厚肉带子煎过香口，入面淋身，唔腥！火箭菜唔多兼煮过，唔系生食，无咗苦味几好味！不过忌廉汁较淡！
小食拼盘：最失望系呢个，三种食物（鸡翼、洋葱圈、芝士薯条）只有鸡翼香滑多汁，芝士薯条好干，硬到石头，芝士又唔香，洋葱圈脆但油腻，唔松化！好腻！
欣赏餐厅食物份量有大小选择，又有低炭餐！其实以主题公园食饭，价钱都叫合理！而且水准算唔错！食完我哋都唔坐，再出去排队玩游戏！
张贴
