影片
更多
2017-11-10
743 浏览
虽然表哥一家都去过好几次日本关西，倾开偈，原来都未曾试过食日式烧肉，所以，专登揾个星期日晏昼，一齐去试试。晌FB见到呢间「伊贺」，烧肉放题任食两小时，有唔少优惠，再睇睇风评不俗，而且，午市食烧肉放题又有75折，午市相信亦无咁多人，招呼都应该会好啲。餐厅占食厦全层，中午12:45pm到达，甫进入餐厅，意外地无乜客。环境一贯和风装修，以卡位占多数，卡位挨背刻意设计高啲，减少前后枱嘅骚扰。我哋被安排坐晌窗口位，落地大玻璃，虽然只喺楼景，但感觉开扬好多。而炉嘅抽风，采用上下式抽风，感觉不俗，不过，由于我哋烧嘅时间客唔多，评估唔到整体抽气能力掂唔掂。一般放题店都备有多款点菜纸，但「伊贺」就型格啲，以平板点菜，操作简易，好处梗喺够晒环保啦，而且，缺货嘅食材亦一目了然。但有好亦有坏，坏处喺一枱一部平板，成日要传嚟传去俾其他人睇有咩选择，亦唔及一眼见晒所有食物般方便，经常要「碌嚟碌去」揾食物。更要小心一点喺，虽话放题，分类包括刺身、小食、野菜类、烧物、海鲜类、炸物、寿司，但平板内并非全部嘢喺任点任食，例如酒类、饮品类、另外追加类，有个银码显示晌下面，就知要额外收费，故稍不留神，随时误堕陷阱，餐饭就使大
餐厅占食厦全层，中午12:45pm到达，甫进入餐厅，意外地无乜客。环境一贯和风装修，以卡位占多数，卡位挨背刻意设计高啲，减少前后枱嘅骚扰。
我哋被安排坐晌窗口位，落地大玻璃，虽然只喺楼景，但感觉开扬好多。而炉嘅抽风，采用上下式抽风，感觉不俗，不过，由于我哋烧嘅时间客唔多，评估唔到整体抽气能力掂唔掂。
一般放题店都备有多款点菜纸，但「伊贺」就型格啲，以平板点菜，操作简易，好处梗喺够晒环保啦，而且，缺货嘅食材亦一目了然。但有好亦有坏，坏处喺一枱一部平板，成日要传嚟传去俾其他人睇有咩选择，亦唔及一眼见晒所有食物般方便，经常要「碌嚟碌去」揾食物。
更要小心一点喺，虽话放题，分类包括刺身、小食、野菜类、烧物、海鲜类、炸物、寿司，但平板内并非全部嘢喺任点任食，例如酒类、饮品类、另外追加类，有个银码显示晌下面，就知要额外收费，故稍不留神，随时误堕陷阱，餐饭就使大咗。
刺身船晌官方FB专页表示2位送刺身船， 4位送鲜活鱼刺身或海胆船， 8位送鲜活龙虾刺身船＋龙虾粥，但只限晚市，有啲可惜。不过，午市人客唔多，刺身有时间摆到靓靓仔仔，烧玉子卷、松叶蟹棒、甜虾、八爪鱼、三文鱼、荣螺肉，整体质素都算唔错，甜虾好鲜甜，三文鱼够油润、荣螺肉爽口柔韧。
垫枱纸有简单嘅烧肉鲜说，烧牛肉就放中间大火锁肉汁，烧鸡肉或猪肉就放炉边细火慢烧，咁烧海鲜又点烧呢？野菜类又点？老实，张垫枱纸讲得过份简单，只好一笑置之。其次，留意到垫枱纸左上角有幅「伊贺烧肉头盘」插图，喺店家嘅烧肉挨介？
伊贺烧肉头盘除咗只刺身船，未落单先再嚟一碟「烧肉头盘」，晌垫枱纸就列出安格斯牛肉、加拿大酱油猪颈肉、加拿大酱油猪柳盖、极上牛小排、牛舌、比利时五花肉、薄切里肌肉及伊贺一口牛，不过，到正式送嚟嘅喺安格斯牛肉、猪颈肉、五花肉、里肌肉、一口牛，无咗猪柳盖、牛小排、牛舌，但多咗单骨鸡翼，所以，碟所谓头盘都喺花巧嘢，有咩出咩咁啦！
分开几次烧，由于所有嘅肉都切得又薄又细块，基本上放炉中好易㶶，放边位烧就稳打啲。安格斯牛肉同一口牛几好食，有肉味得嚟又有油香，不过，最好食反而喺啲鸡翼，又香又惹味。
垫枱纸话啲猪肉有腌过，猪颈肉就喺，但啲五花肉点睇、点食都唔似腌过，幸好枱上备有芝麻酱油，再唔喺晌平板选项中，有酱油一栏，蒜蓉、海鲜酱、酸辣汁、烧烤酸汁……多款供选取。
所谓小食类，其实「垃垃杂杂」，有沙律、汤品、白饭、乌冬、冷盘……等等，睇匀兴趣都唔大，只喺点客沙律开开胃。
伊贺沙律始终喺嚟主打食烧肉，其他类别就随意点点，小食就点咗客伊贺沙律，初时，仲谂住用得店名冠名，应该喺大制作，原来喺三文鱼、蟹籽配点生菜，淋上油醋汁，食味……OK啦。
基本上，炸物喺人都啱，所以，我哋点啲炸物当间场兼过过口瘾。炸物类选择多多，超过廿款，故此，我哋都前后点咗几转，第一转就一口气先点3款。
香芋丸、芝士年糕、吉列炸虾一击即中，3款都好好食。香芋丸炸得外层甘脆，咬落软滑充满芋头香；芝士年糕口感软糯烟韧，淡淡芝士香，好食；吉列炸虾虽然细只咗啲，但仍有份鲜甜味，脆而不腻。
帆立贝、虎虾、墨鱼咀回本心态就梗喺要烧海鲜，不过，海鲜类选择唔算多，叫有9款，但已经无咗蛏子、活蚬，有啲睇落麻麻哋，所以，点咗帆立贝、虎虾、墨鱼咀。帆立贝喺伴芝士，非蒜蓉，但成品同样美味，不过，啲帆立贝比较细只，无乜肉地，口感一般；虎虾就好唔错，虽然并非最大呎码，但入口爽弹，虾味算浓；墨鱼咀明显喺贪得意叫一客，原兜放晌炉中烧，口感爽爽韧韧几得意。
大鱼大肉一餐，又点可以无啲菜落肚平衡吓，轮到讲讲野菜类，一共有16款蔬菜供选择。
冬菇、茄子、鸡脾菇、南瓜、糖心菠萝、牛油粟米晌多款蔬菜中，拣咗呢6款，其实，蔬菜类无咩特别嘢，随心意拣就喺，味道就靠你自己烧得好唔好喇。不过，呢度乜都切到薄一薄，所以，好似啲烧菠萝咁，太薄食落无口感。
烧肉类本身有成廿多款，之前嘅头盘肉都只喺占当中嘅6款，当然仲有好多未试啦，所以，嚟多一轮烧肉，点啲特别嘅款式一试。
手切哈姆猪大肠、伯爵茶渍羊肉、渍壶牛、牛舌、伊比利亚橡果一口猪、芝麻鸡翼、黑椒肠今转嘅烧肉名称都比较特别啲，手切哈姆猪大肠食落同平食猪大肠无咩分别，幸而无啲猪臊味，羊肉就唔喺好食得出伯爵茶渍味……其实，店员送到上枱，放低就走，都无咩点介绍咩肉打咩肉，所以，如果你有心搞清楚啲肉喺点样，最好唔好一次点太多，宁愿点多几次，每次点唔同类别嘅肉，例如鸡牛猪羊各一款，就比较易认清楚所点嘅肉。
双皮奶卷、娘惹山药最后，烧完多款肉类、海鲜、野菜，仲有空间，就点多两轮炸物，第二转有双皮奶卷及娘惹山药，两款都几有惊喜㖞，虽然今次炸得有啲油，但前者里面喺好滑嘅奶糕，而后者入口极似紫薯，唔似平时接触嘅山药咁爽爽哋，究竟喺咪已经转咗呢。
日式一口甜薯、薯格、榴梿炸弹第三转嘅炸物喺心水嘅甜薯及预咗留肚必试嘅榴梿炸弹，而薯格喺表姪女嘅「飞弗」。啲甜薯够晒粉甜，榴梿炸弹馅心柔软，好强劲嘅榴梿咪，正呀。
午市嚟到，唔食烧肉，都可以试午餐有多款午市定食，定价都喺$48-$88，并免费送汽水一罐，仲见有4人同行1人免费优惠，不过，详情喺点要问问店员。
烧烤嘅食物种类其实选择多嘅，又有其他放题食物，两个钟都够，一边烧生嘢，一边食住啲熟嘢，二、三百蚊个价差唔多啦，只喺食材嘅质素唔好太高期望。招呼方面，午市客唔多所以人手少，故做得无咁熨贴，例如我哋离开之后先醒起未有送上Mövenpick雪糕，唔知喺咪午市打咗75折就无雪糕送呢！
张贴
