伊斯蘭中心餐廳

营业中

休息中

初初入到去都好紧张，因为唔知道伊斯斯兰既特色菜系咩，又唔知睇唔睇得明个餐牌，又唔知我地呢啲本地人入到去会唔会好奇怪，但系一入到去，咩唔知咩疑问都一扫而空，不过我就立刻想问一个问题，呢间够竟系伊斯斯兰餐厅定系中式酒家？里面食既野全部都系中式酒楼食到既点心，虾蛟，烧卖，叉烧包，炒饭，我食到既野都系中式酒楼食到既野，不过价钱就差好多喇，喺果度既点心都系６蚊起最贵都好似系１５蚊，我地叫左蒜香炸春卷，大虾肠粉，紫菜虾巻，同咕噜鸡球饭。先唔讲其它，只系讲下紫菜虾巻，本来以为系美心酒楼既外脆内软既炸虾巻，但点知系蒸既虾巻，里面包住既系猪肉，外相真系麻麻，但食落都接受到，同有小小好味。其它点心都唔错，同中式酒楼差唔多，但价钱真系好抵，而且味道真系唔错，同同区既酒楼相比，呢个质素同价钱真系令我好想再去多几次。但系个咕噜饭就怪怪地，虽然都系酸酸甜甜，但系碟饭仲多左啲辡味，奇奇怪怪咁。但其实果度无论系香港人定系伊斯兰人都叫炒饭食，唔知啲炒饭系咪好好食呢？下次一定要再去试下。